ലോകകപ്പ് ഉദ്ഘാടന വേളയില്‍ മോര്‍ഗന്‍ ഫ്രീമാനൊപ്പമുള്ള ഈ ‘വലിയ മനുഷ്യന്‍’ ആരാണ് ?
ലോകം ഇനി ഖത്തറിലേക്ക് ചുരുങ്ങുകയാണ്. ഭൂമി തന്നെ ഒരു കാല്‍പ്പന്തായി മാറുന്ന കാഴ്ചയാണ് ഇനിയുള്ള ഒരു മാസക്കാലം കാണാന്‍ പോകുന്നത്. ഖത്തറിലെ അല്‍ ബൈത്ത് സ്റ്റേഡിയത്തില്‍ വെച്ച് നടന്ന വര്‍ണാഭമായ ഉദ്ഘാടന ചടങ്ങുകളോടെയാണ് ഇത്തവണത്തെ ലോകകപ്പിന് ആരംഭമായത്.
ഖത്തറിന്റെ സാംസ്‌കാരിക മൂല്യങ്ങളും പേരും പെരുമയും വ്യക്തമാക്കിയ ഉദ്ഘാടന വേളയിലെ പ്രധാന ആകര്‍ഷണം ഹോളിവുഡ് നടന്‍ മോര്‍ഗന്‍ ഫ്രീമാനായിരുന്നു. ‘ദി കോളിങ്’ (The Calling) എന്ന ഓപ്പണിങ് സിറമണിയില്‍ ലോകകപ്പിനെത്തിയ എല്ലാവര്‍ക്കും മുമ്പില്‍ ഫ്രീമാന്‍ സംസാരിച്ചു.
മോര്‍ഗന്‍ ഫ്രീമാനൊപ്പം തന്നെ അതേ പ്രസക്തിയോടെ ഉദ്ഘാടന വേളയില്‍ മറ്റൊരാള്‍ കൂടിയെത്തിയിരുന്നു. ലോകകപ്പിന്റെ അംബാസഡറായ ഖാനിം അല്‍ മുഫ്ത (Khanim al Muftah) ആയിരുന്നു ഒറ്റ നിമിഷം കൊണ്ട് ലോകത്തിന്റെ ശ്രദ്ധയൊന്നാകെ നേടിയെടുത്തത്.
നട്ടെല്ലിന്റെ വളര്‍ച്ച ഇല്ലാതാക്കുന്ന കോഡല്‍ റിഗ്രെഷന്‍ സിന്‍ഡ്രോം (Caudal Regression Syndrome) എന്ന അപൂര്‍വ രോഗം ബാധിച്ചയാളാണ് മുഫ്ത. എന്നാല്‍ തന്റെ രോഗാവസ്ഥയില്‍ തളര്‍ന്നിരിക്കാതെ ഒരു സംരംഭകനെന്ന നിലയിലും ആളുകളില്‍ ആത്മവിശ്വാസം നിറക്കുന്ന സോഷ്യല്‍ ഇന്‍ഫ്‌ളുവന്‍സര്‍ എന്ന നിലയിലും ലോകത്തിന് മുമ്പില്‍ തലയുയര്‍ത്തി നിന്നാണ് മുഫ്ത ലോകകപ്പ് വേദിയിലേക്ക് ലോകത്തെയൊന്നാകെ ക്ഷണിച്ചത്.
No comments:
Post a Comment